回歸｜陳嘉慧跪地喊戲遭網民開咪討論 「咁多前輩望住真係有啲驚」

無綫劇集《回歸》今晚（29日）大結局，昨晚一集其中一個焦點落在巧瑤（陳嘉慧飾）身上，講她的「二五女」身分被揭穿，在眾人面前向耀祖（郭晉安飾）跪地認錯兼解釋，可是不獲大家接受。這場戲事後被網民討論，有人認為陳嘉慧演技有待磨練，竟然一滴眼淚都冇，浪費安仔用心交戲；亦有人力撐她，覺得傷心不一定要流淚，這一幕只需演繹出委屈感覺，不需要喊到好多眼淚。

{{hket:inline-image name="17.jpg"}}{{/hket:inline-image}}

{{hket:inline-image name="07292002.jpg"}}{{/hket:inline-image}}

同場加映：童時愛上你丨高海寧曾劇接劇愧感人生零進步 勇敢做自己：不再為別人而活

{{hket:ul-video id="6212"}}{{/hket:ul-video}}

現年26歲的陳嘉慧（Erica）是TVB上位小花之一，2017年客串演出《溏心風暴3》後，對演戲感興趣而入行；至2021年成功上位，在《愛上我的衰神》首次當上女一，跟男主角胡鴻鈞有感情線。今日新劇《本尊就位》試造型，她再次做女主角，男拍檔是謝東閔同孔德賢。陳嘉慧今次在《回歸》飾演郭晉安養女，一心以為可以幫到屋企，結果慘被徐榮利用，事情敗露卻不獲身邊人接受，令安仔大為痛心，就算跪地認錯解釋也無用，在預告片更見到她服食過量藥物，疑似諗唔通想自殺。

回歸｜視帝郭晉安怒摑陳煒戲想借位？ 陳嘉慧收錢向徐榮通風報信【下一頁】

對於陳嘉慧向安仔跪地認錯這一幕，有些網民唔收貨，在網上討論區表示：「點解條女喊都好似偷笑咁」、「條女演技有待磨練，一滴眼淚都冇」、「啲戲唔得」、「瑤瑤連眼淚都無滴，安仔就紅晒眼，非常好」、「呢場導演應該唔收貨先啱，真係唔識做喊戲，要培養好情緒去入戲」、「表情夠但一滴眼淚都冇，無事先在眼鏡邊滴幾滴白花油？」及「最弊佢連嗰種委屈都做唔到，而且佢做到好似忍笑嘅喊，呢場真係有少少失望，浪費咗安仔咁用心嘅演技」等。

回歸丨郭晉安報喜收視創新高突破20點 陳嘉慧身世成謎親生老竇係佢？【下一頁】

不過仍有人力撐陳嘉慧，「無辦法，段喊戲太長，仲要一個人獨白，太大考驗，希望佢繼續加油，下次再表現得好啲」、「邊個話傷心一定要流眼淚流鼻涕？」、「可能陳嘉慧未做過『二五女』，唔識點拍」、「其實呢場佢係要演嗰種委屈，唔係要喊到好多眼淚，收唔到咁樣，唔係要爆喊」等，更有人上載《愛上我的衰神》的喊戲截圖，並留言：「一個圓臉幾滴眼淚，流極都在圓臉內未滴出來，咁就係Erica嘅強項囉」。

（↓點擊放大睇圖片↓）

陳嘉慧就話安仔在這場戲幫她很多，要感謝在場所有前輩的教導及幫忙，「安仔真係幫咗我好多，佢不斷帶住我入戲，同埋現場好多前輩畀咗個好好嘅氣氛出嚟，令我更加投入到件事。而嗰場戲最難嘅地方，亦係因為有咁多前輩望住自己拍喊戲，真係有啲驚。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】